Kit's profile傑的音樂天PhotosBlogListsMore  |  Tools Help |
|
傑的音樂天June 23 MW最近看了手塚老師的MW，我覺得應該係手塚治蟲最極端暴力色情的作！手塚不愧係漫畫之神，佢嘅漫畫涉及每一種題材。大家熟悉的有小飛俠阿童木，小白獅，怪醫秦博士，少女漫畫有藍寶石王子，講人生哲理又有火之鳥，佛陀，同埋我最喜愛揭露人性醜惡的奇子，狗面人(桐人傳奇)，MW等等。
但咁多作品裏面，MW確實係最變態的，謀殺，暴殺，強姦，同性戀，甚至人狗都有！要乜有乜，夠哂異色！不過最可悲的，係主角結城身上完全揾唔到一D正面的訊息，我諗佢係手塚筆下最黑暗的一個角色。基本上漫畫裏面所有角色都係佢嘅工具，佢鍾意搞就搞，殺就殺，最恐怖的係佢目的又唔係報仇，只不過係想全世界人陪佢一齊死，所以如果現實世界有咁嘅人都幾得人驚！ 整個MW的故事總算吸引，但當然亦有唔合理的地方，主角結城下下男扮女都呃到人似乎冇乜可能，另外姦殺銀行上司個女，然後吊走條屍的一段亦都唔多合理。但始終係手塚的作品，都會接受的，而作者亦都係後話提及整個MW的故事唔算完整，畢竟我覺得係嗰個年代寫出咁爭議性的故事實在難得，而到呢個年代睇番都唔覺老土。 聽講MW喺日本已拍成電影(玉木宏、山田孝之)，其實死亡筆記，二十世紀少年，爆粗Band友本本我都有睇，但將佢改編電影就提唔起興趣，始終要係電影表現漫畫的畫面係有難度，不過今次改編手塚的作品，點都要支持下!    另外推介下面我最喜愛的手塚作品 1. 三個阿道夫 2. 狗面人(桐人傳奇) 3. 奇子 4. 人間昆蟲記 5. 佛陀 6. 火之鳥 May 02 MINI-ITX近期幫老豆砌咗部PC，第一次用Mini ITX板，感覺新鮮，但最難搞個CASE，差唔多要拆哂內籠先可以裝哂所有嘢，玩都算好玩，不過如非必要，都係用番ATX或者M-ATX。
January 05 生日禮物今年的生日，沒有什麼特別的慶祝，主要都係照顧個女，由朝睇到晚，以前最怕星期日，驚搞唔掂，但近過幾月嚟妹仔乖咗 好多，少咗扭計，食奶又合作，瞓覺又唔駛，就算得我一個都搞得掂！另外哥哥今日第一日自己一個坐校巴，全程冇喊， 令我擔憂咗成個Christmas的疑慮一掃而空！ 多謝妹仔，哥哥，你地的表現就係送給我最好的生日禮物！ |
|||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
